អាវក្រុមជម្រើសជាតិអាហ្សង់ទីនចំនួន 6 ដែលពាក់ដោយ Lionel Messi ឈ្នះជើងឯក World Cup ឆ្នាំមុននៅកាតា នឹងត្រូវដាក់លក់ដេញថ្លៃ។ ប្រធានក្រុមវ័យ 36 ឆ្នាំរូបនេះ គឺជាសមាជិកសំខាន់ ដែលជួយអាហ្សង់ទីនឈ្នះជើងឯក World Cup កាលពីខែធ្នូឆ្នាំ មុនក្រោយយកឈ្នះបារាំង ដោយបាល់ 11 ម៉ែត្រកាត់សេចក្តី។ អាវរបស់
Messi ដែលពាក់នៅវគ្គផ្តាច់ព្រ័ត្រមួយឈត់តែម្តង ត្រូវបានគេរំពឹងថានឹងត្រូវដាក់ដេញថ្លៃមានតម្លៃជាង 8 លានផោននៅក្រុមហ៊ុនវិចិត្រ សីល្បៈ Sotherby នៅទីក្រុងញូយ៉កសហរដ្ឋអាមេរិក។
បច្ចុប្បន្នអាវជម្រើសជាតិបាល់ទាត់ឈ្នះជើងឯក ដែលមានតម្លៃថ្លៃបំផុតជាកំណត់ត្រានោះ គឺអាវរបស់ Diego Maradona ដែលពាក់ក្នុងការប្រកួតដែល ប្រើដៃវាយបញ្ចូលទី “Hand of God” នៅ World Cup ឆ្នាំ 1986 ដោយអាវនោះមានតម្លៃដេញថ្លៃចុងក្រោយដល់ទៅ 7.1 លានផោនកាលពីឆ្នាំ 2022។
លោក Brahm Wachter ប្រធានក្រុមហ៊ុនដេញថ្លៃដ៏ល្បីឈ្មោះ Sotherby បានឱ្យដឹងថា អាវទាំង ៦ របស់ Messi នឹងធ្វើឱ្យកក្រើកឱកាសដេញថ្លៃជាប្រវត្តិសាស្រ្តរបស់ Sotherby។ អាវរបស់ Messi ទាំង ៦ នឹងត្រូវដាក់បង្ហាញនៅស្នាក់ការកណ្តាលរបស់ Sotherby ទីក្រុងញូយ៉កសហរដ្ឋអាមេរិក និងបើកឱ្យទស្សនាដោយសេរីចាប់ពីថ្ងៃទី ៣០ ខែវិច្ឆិកាដល់ថ្ងៃទី 14 ខែធ្នូខាងមុខនេះ។
Sotheby’s បានឱ្យដឹងថា ចំណែកនៃប្រាក់ចំណូលដែលបានពីការដេញថ្លៃនេះ នឹងត្រូវបរិច្ចាគទៅឱ្យគម្រោង Unicas ដែលដឹកនាំដោយ Sant Joan de Deu (SJD) Barcelona Children’s Hospital ដោយមានការគាំទ្រពីមូលនិធិ Leo Messi ដើម្បីបំពេញតម្រូវការរបស់កុមារដែលទទួលរងពីជំងឺកម្រ៕
The post អាវ Messi ពាក់នៅ World Cup ចំនួន 6 ត្រូវដាក់ដេញថ្លៃនៅអាមេរិក appeared first on AA 2888.
Source: Sport News
